விளையாட்டுகள் அனைத்தும் நமக்கு ஏதேனும் ஒரு வாழ்க்கை பாடத்தினை நமக்கு கற்பிக்கிறது. டிஜிட்டல் முறையில் கொண்டு வந்து வீடியோ கேம் நிறுவனம் நன்றாக லாபம் பார்க்கிறது. இந்த வீடியோ கேமால் சில நன்மைகளும் உள்ளது.
பப்புகஞ்சி (குழந்தைகளிடம் விரலை வைத்து சோறு, குழம்பு, அப்பளம், வடை என விளையாடுவது), தாயம், கோலி, கில்லி போன்ற விளையாட்டுகள் இப்போது நடைமுறையில் இல்லை. ஆனால், அவற்றில் சில விளையாட்டுகள் டிஜிட்டல் வடிவத்தில் வருகை தந்து நமது போனில் இடம் பெற்றிருகிறது.
விளையாட்டுகள் அனைத்தும் நமக்கு ஏதேனும் ஒரு வாழ்க்கை பாடத்தினை நமக்கு கற்பிக்கிறது. மேலும் அது நமது உடல் மற்றும் மன வலிமையை அதிகரிக்கிறது.
ஆங்கிலேயர்கள் வருகைக்கு பின் வந்த விளையாட்டு கிரிக்கெட். இது அதிக உடலுழைப்பு இல்லாத விளையாட்டு என்றாலும் இதை விளையாடுவதற்காக இன்றைய தலைமுறை வெளியே செல்வதை நினைத்தால் சற்று ஆறுதலாக உள்ளது. இது தான் இப்போதைய சமூகத்தின் நிலைமை.
ஏன் இந்த அவல நிலை என்றால் பெற்றோர்கள் தங்கள் குழந்தைகளின் பாதுகாப்பு நலன் கருதி அவர்களை வீட்டை விட்டு வெளியே செல்ல விடாமல் வீட்டிற்குள் முடக்கி வைத்து விடுகின்றன.
வீடியோ கேம் நிறுவனம் நன்றாக லாபம் பார்க்கிறது. பெற்றோர்களும் தங்கள் குழந்தைகள் இன்றைய காலத்தில் எல்லா விளையாட்டுகளும் டிஜிட்டல் முறையில் கொண்டு வந்து அவர்களை அனைத்து விளையாட்டையும் வீட்டில் இருந்த படியே விளையாட வைக்கின்றன. இதனால் பாதுகாப்பாக இருப்பதாக நினைத்து கொண்டிருகின்றனர். அது தான் மிக பெரிய தவறு.
இன்று வீடியோ கேம் அசுர வளர்ச்சியில் உள்ளது. இதில் கொடுமையான விஷயம் என்னவென்றால் இதன் மூலம் பல உயிர்களை இழப்பது தான். வீடியோ கேமை சுய கட்டுபாடுடன் விளையாட வேண்டும். அவ்வாறு இல்லாமல் 24 மணி நேரமும் விளையாடிக் கொண்டிருந்தால் நமது மூளை மழுங்கி ஞாபக சக்தியை இழக்க நேரிடுகிறது. இயற்கை சூழலிலும் பல மாயையான செயல்கள் செய்ய நேரிடும்.
இந்த வீடியோ கேமால் சில நன்மைகளும் உள்ளது. புது புது பிரச்சனைகளுக்கு தீர்வு கண்டு பிடிக்கும் ஆர்வம். தொடங்கிய ஒரு சவாலான செயலை செய்து முடிக்கும் பண்பு. வெற்றி கிடைக்கும் வரை போராடும் குணம். சூழலுக்கு ஏற்ப செயல்படும் திறன். குறைந்த நேரத்தில் திட்டமிடுதல். இவையெல்லாம் யகட்டுபாடுடன் விளையாடுவதால் நமக்கு பரிசாக கிடைக்கிறது.
அடுத்த தலைமுறை உடல் அளவிலும் மனதளவிலும் சிறப்பான நிலையிலிருக்க விளையாட்டு மிக முக்கியமான ஒன்று. குழந்தைகளை வீடியோ கேம் விளையாடுவதை குறைத்து வெளியே சென்று விளையாட செய்வோம். வலிமையான தலைமுறையை உருவாக்குவது நமது கடமை. அளவுக்கு மீறினால் அமிர்தமும் நஞ்சு.
-விகடகவி