என் பலவீனம் இந்தக் காதல்!

கோபங்கள்ல கூட
அக்கறை உணர்வும்,
தீராக் காதலின் வெளிப்பாடும்  இருக்கும்.
அதை உணர்ந்தவன் நான் மட்டுமே.

நான் கடந்து வந்த
எத்தனையோ மனுஷங்க கிட்ட
எனக்குத் தெரியாத ஏதோவொன்று, உன்கிட்ட மட்டும் எனக்கு பிடிச்சிருக்கு!
யாரையும் உன் இடத்துக்கு நிகரா வச்சி நினைக்கக் கூட மனசுல தெம்பில்ல! அவ்வளவு வலுவான
ஊன்றுதல் நீயெனக்கு!

மனசுக்கு அமைதி தேவப்பட்டாலோ! நிதானித்து நிக்க
ஒரு தரிப்பிடம் அவசியப்பட்டாலோ!
மனசு உன்னத்தான் நாடுது.
நா அழுது தீர்க்குற கண்ணீர உள்வாங்கிக்கிட்டு,
அத நிவர்த்தி செய்ற வார்த்தைகளை
நீ மட்டும்தான் அறிவாய்.
உன்கிட்ட வந்து பேசிட்டா,
எல்லாமே சரியாயிடும்னு நம்புறேன்.

ஆற்றுப்படுத்தி வைக்க
உன்னால மட்டும் தான் முடியும்னு
என் மனசு சொல்ற கணங்கள்ல,
நீ மட்டும் தான் எனக்கான
ஒட்டுமொத்த
என் பாதியாய் தெரிஞ்சிருக்க.